Ladki Bahin Yoajana Update:’लाडकी बहीण’ योजनेवर अपात्रतेची टांगती तलवार! मराठवाड्यात झालेल्या एका मोठ्या सर्व्हेनंतर तब्बल १ लाख २५ हजार महिलांचे अनुदान थांबण्याची शक्यता निर्माण झाली आहे. एकाच घरात दोनपेक्षा जास्त लाभार्थी आणि वयाची अट पूर्ण न करणाऱ्या हजारो महिलांमुळे शासनाचे डोळे विस्फारले आहेत. नक्की काय आहे हे प्रकरण? जाणून घ्या…
राज्यभरात चर्चेत असलेल्या ‘लाडकी बहीण‘ योजनेला मराठवाड्यात एक मोठा झटका बसला आहे. शासनाच्या नियमांना केराची टोपली दाखवून लाभ घेणाऱ्या हजारो ‘बोगस’ लाभार्थी महिला उघडकीस आल्या आहेत.
नुकत्याच झालेल्या एका तपासणीत धक्कादायक आकडेवारी समोर आली असून, तब्बल १ लाख २५ हजार महिलांना या योजनेतून अपात्र ठरवण्याची शिफारस शासनाकडे करण्यात आली आहे. त्यामुळे आता या बहिणींचे काय होणार, याकडे सर्वांचे लक्ष लागले आहे.
सिस्टीम मध्ये लोफोल की जाणीवपूर्वक केलेला घोटाळा?
शासनाच्या वतीने अंगणवाडी सेविकांमार्फत नुकताच एक ‘ग्राउंड लेव्हल’ सर्व्हे करण्यात आला. या सर्व्हेमध्ये दोन प्रमुख गोष्टींवर फोकस करण्यात आला होता.
१. वयाची अट (Age Criteria) – ६५ वर्षांपेक्षा जास्त वय असूनही योजनेचा लाभ घेणाऱ्या महिला.
२. एका कुटुंबात एकापेक्षा जास्त लाभार्थी (Multiple Beneficiaries) – एकाच रेशन कार्डवर दोन किंवा अधिक महिलांनी योजनेसाठी नोंदणी केली आहे का.
जवळपास सव्वा महिना चाललेल्या या तपासणीत जे समोर आलं, ते पाहून अधिकारी सुद्धा चक्रावून गेले आहेत.
आकडेवारी जी तुम्हालाही धक्का देईल!
- ८४,७०९ बहिणी एकाच घरातून: सर्वात मोठा घोळ इथेच झाला आहे. एकाच कुटुंबातील (एका रेशन कार्डवर) दोन किंवा त्यापेक्षा जास्त महिलांनी लाभ घेतल्याचे उघड झाले आहे. तब्बल ४ लाख ९ हजार अर्जांची तपासणी झाली, ज्यापैकी ८४ हजार ७०९ महिला अपात्रतेच्या वाटेवर आहेत.
- ४०,२२८ ‘ज्येष्ठ’ भगिनींनी तोडले नियम: योजनेची वयोमर्यादा ओलांडूनही, खोटी कागदपत्रे सादर करून तब्बल ४०,२२८ महिलांनी या योजनेचा लाभ घेतला. १ लाख ३३ हजार अर्जांच्या तपासणीत हा प्रकार समोर आला आहे.
अंगणवाडी सेविका ठरल्या ‘डिटेक्टिव्ह’
शासनाने या ‘सिक्रेट मिशन’ची जबाबदारी अंगणवाडी सेविकांवर सोपवली होती. त्यांनी घरोघरी जाऊन रेशन कार्ड आणि इतर कागदपत्रांची पडताळणी केली.
या तपासणीत अनेक ठिकाणी एकाच रेशन कार्डाचा वापर करून कुटुंबातील अनेक महिलांनी योजनेचा लाभ घेतल्याचे स्पष्ट झाले. तर काही ठिकाणी वयाचा खोटा पुरावा देऊन शासनाची दिशाभूल केल्याचेही दिसून आले.
हे पण वाहा :Tar Kumpan Yojana 2025: तारकुंपण योजना सुरू – 90% पर्यंत अनुदान, अर्ज करा आजच
आता पुढे काय? सरकार कोणता ‘मास्टरस्ट्रोक’ मारणार?
मराठवाडा विभागाकडून या सर्व ‘बोगस’ लाभार्थ्यांची सविस्तर माहिती आणि त्यांचे अनुदान तात्काळ थांबवण्याची शिफारस शासनाला पाठवण्यात आली आहे. अनेकांना गेल्या दोन-तीन महिन्यांपासून पैसे मिळालेले नाहीत आणि आता त्यांना त्यामागील कारण स्पष्ट झाले असेल.
आता चेंडू सरकारच्या कोर्टात आहे. सरकार या १ लाख २५ हजार महिलांवर काय कारवाई करणार? त्यांना कायमस्वरूपी अपात्र ठरवणार की त्यांना चूक सुधारण्याची एक संधी मिळणार? या निर्णयाकडे संपूर्ण राज्याचे लक्ष लागले आहे. या प्रकरणामुळे एक गोष्ट मात्र नक्की झाली आहे की, सरकारी योजनांचा लाभ घेताना नियमांचे पालन करणे किती महत्त्वाचे आहे.
योगेश कोल्हे हे व्यवसाय, शेअर बाजार, सरकारी योजना आणि महाराष्ट्रातील घडामोडी या विषयांवर लेखन करणारे एक उत्साही लेखक आहेत. ते वाचकांना सोप्या व स्पष्ट भाषेत उपयुक्त, माहितीपूर्ण आणि अद्ययावत लेख उपलब्ध करून देतात.
