Russia Cancer Vaccine 2025: जगभरातील लाखो रुग्णांना मृत्यूच्या दारापर्यंत नेणाऱ्या कर्करोगावर आता नवी आशा निर्माण झाली आहे. रशियाने विकसित केलेली mRNA-आधारित कर्करोग लस प्री-क्लिनिकल चाचणीत यशस्वी ठरली आहे.
रशियन फेडरल मेडिकल अँड बायोलॉजिकल एजन्सीच्या (FMBA) प्रमुख वेरेनिका स्कोर्तसोवा यांनी सांगितले की, या लसीवर गेली अनेक वर्षे संशोधन सुरू होते आणि गेल्या तीन वर्षांत केलेल्या चाचण्यांमध्ये ही लस सुरक्षित व प्रभावी असल्याचे स्पष्ट झाले आहे.
लस कशी काम करणार?
ही लस mRNA तंत्रज्ञानावर आधारित असल्याने ती प्रत्येक रुग्णाच्या RNA प्रमाणे स्वतंत्रपणे तयार केली जाणार आहे.
- लसीमुळे ट्यूमरचा आकार ६०% ते ८०% पर्यंत कमी होऊ शकतो.
- ट्यूमर वाढण्याचा वेग लक्षणीयरीत्या कमी होतो.
- अनेक वेळा लस देऊनही तिचा परिणाम कमी होत नाही, म्हणजेच दीर्घकाळ ती प्रभावी राहते.
कोणत्या कर्करोगांवर होईल सर्वाधिक परिणाम?
रशियन संशोधकांच्या मते ही लस काही प्रमुख कर्करोगांवर प्रभावी ठरली आहे :
- कोलोरेक्टल कर्करोग (आतड्याचा कॅन्सर) – सर्वात यशस्वी ट्रायल.
- ग्लिओब्लास्टोमा (मेंदूचा कर्करोग) – प्राथमिक टप्प्यात सकारात्मक परिणाम.
- मेलानोमा (त्वचेचा कर्करोग) – वापराची शक्यता दिसून आली आहे.
किंमत किती असेल?
- या लसीचा प्रत्येक डोस वेगळा तयार करावा लागणार असल्याने ती इतर औषधांपेक्षा महाग असेल.
- एका डोसची अंदाजित किंमत आहे ३ लाख रूबल (सुमारे २.५ लाख रुपये).
- मात्र रशियन नागरिकांना ही लस मोफत देण्याचा सरकारचा मानस आहे.
सर्वसामान्यांसाठी कधी उपलब्ध होईल?
या लसीचा पहिला मानवी ट्रायल सप्टेंबर-ऑक्टोबर २०२५ मध्ये सुरू होण्याची अपेक्षा आहे. ट्रायल यशस्वी झाल्यास पुढील काही वर्षांत ही लस बाजारात येऊ शकते. त्यामुळे जगभरातील कर्करोग रुग्णांसाठी हा एक मोठा टप्पा ठरू शकतो.
OnePlus वापरताय? मग हे 3 Secret Features लगेच वापरा, फोन वापरण्याचा अनुभव पूर्णपणे बदलेल!
तज्ज्ञांचा अंदाज
शास्त्रज्ञांच्या मते, जर मानवी चाचण्या यशस्वी झाल्या तर ही लस कर्करोग उपचाराच्या क्षेत्रात गेम-चेंजर ठरेल. यामुळे केवळ आयुष्य वाढणार नाही, तर ट्यूमर कमी करून जीवनमानही सुधारेल.
रशियाची ही नवी लस कर्करोग रुग्णांसाठी जीवनदान ठरू शकते. पुढील काही महिने मानवी ट्रायलच्या यशस्वी निकालांवर अवलंबून राहतील. मात्र आजपर्यंतच्या संशोधनाने दाखवून दिले आहे की कर्करोगाविरुद्धची ही लढाई आता निर्णायक टप्प्यावर पोहोचली आहे.
आमची टीम दैनिक महाराष्ट्र ही एक माहितीपूर्ण वेबसाईट चालवते, जिथे भक्ती, राशिभविष्य, आरोग्य, जीवनशैली, नोकरी आणि शिक्षण अशा महत्त्वाच्या विषयांवर आम्ही वाचकांसाठी विश्वासार्ह व उपयोगी माहिती प्रदान करतो. आमचे ध्येय प्रत्येक वाचकापर्यंत दर्जेदार व प्रेरणादायी लेखन पोहोचवणे आहे.
