Kadhi Special Recipe Tadka Secret: कढीचं नाव घेतलं की डोळ्यांसमोर येतो गरमागरम भात, त्यावर पिवळसरसर कढी आणि वरती लागलेला झणझणीत तडका! पण खरी गोष्ट अशी आहे की, अनेकांना वाटतं “कढी बनवणं म्हणजे खूप मोठं आर्ट आहे.” काहीजण तर थेट सांगतात – “आई किंवा आजीसारखी टेस्टच येत नाही रे!”
मग खरं सीक्रेट काय आहे? जास्त काही नाही, फक्त 4 स्पेशल गोष्टींचा तडका आणि थोडा संयम. चला तर मग स्टेप बाय स्टेप पाहूया सोपी पण लाजवाब रेसिपी.
पहिलं स्टेप – दही किंवा ताकाची तयारी
कढी मस्त चवदार हवी असेल तर थोडं आंबट दही घ्या. नाहीतर सरळ ताक वापरू शकता. जर दही घेतलं तर त्याला मिक्सर मध्ये फिरवून ताका सारखं पातळ करून घ्या.
यानंतर एका बाऊलमध्ये ३-४ मोठे चमचे बेसन टाका आणि थोडं थोडं पाणी घालत स्मूथ घोळ तयार करा. हा बेसनचा घोळ दही/ताकात मिक्स करून एक बाजूला ठेवा.
दुसरं स्टेप – पकोड्यांचं मॅजिक
कढी-पकोडा म्हणजे परफेक्ट जोडी. पकोडे बनवण्यासाठी परत बेसन घ्या, थोडं पाणी घालून पकोड्यांचा घोळ तयार करा.
टिप लक्षात ठेवा: बेसन नीट फेटून घ्या. त्यातली १-२ थेंबं पाण्यात टाका; जर वर तरंगली तर mixture ready!
बेसनात चिमूटभर मीठ आणि थोडी लाल मिरची टाका. पकोडे तळून घ्या. प्लेन पकोडे कढीत मस्त लागतात. पण जर आणखीन चवदार बनवायचे असतील तर थोडं कांदा-कोथिंबीरही टाकू शकता.
तिसरं स्टेप – कढी शिजवणं
आता मोठ्या पातेल्यात तयार केलेलं दही-बेसनचं मिश्रण ओता. गॅसवर ठेवून मध्यम आचेवर सतत ढवळत रहा. १५-२० मिनिटांनी मिश्रण उकळायला लागेल आणि हलकं घट्ट होईल. हाच तो क्षण जेव्हा घरभर खमंग सुगंध पसरेल.
चाणक्य नीति: सुख-शांती हवी असेल तर या ३ चुका आजपासूनच सोडा
चौथं स्टेप – झकास तडका!
कढीचं खरं सौंदर्य म्हणजे तिचा तडका. त्यासाठी कढईत थोडं तेल/तूप गरम करा.
त्यात मोहरी टाका, कढीपत्ता टाका, त्यानंतर २ सुकी लाल मिरची आणि चिमटभर हिंग.
हा फोडणीचा सुगंध जेव्हा उकळत्या कढीत मिसळतो ना, तेव्हा वाटतं – “हो हीच खरी आजीची कढी!”
सगळं झालं की तळलेले पकोडे कढीत घाला. झाकण ठेवा आणि ५ मिनिटं विसावा द्या.गरमागरम भातावर ही कढी वाढा… आणि बघा, घरातलं प्रत्येक जण कढी खाताना बोट चाटत असलेलं दिसेल.
आमची टीम दैनिक महाराष्ट्र ही एक माहितीपूर्ण वेबसाईट चालवते, जिथे भक्ती, राशिभविष्य, आरोग्य, जीवनशैली, नोकरी आणि शिक्षण अशा महत्त्वाच्या विषयांवर आम्ही वाचकांसाठी विश्वासार्ह व उपयोगी माहिती प्रदान करतो. आमचे ध्येय प्रत्येक वाचकापर्यंत दर्जेदार व प्रेरणादायी लेखन पोहोचवणे आहे.
