Samsung Galaxy S25 FE Price: Samsung च्या Fan Edition (FE) सीरिजला भारतात नेहमीच अफाट लोकप्रियता मिळाली आहे. कारण अगदी सोपं – फ्लॅगशिपसारखे दमदार फीचर्स पण तुलनेत किफायतशीर किंमत! आता या सीरिजमधील नवा खेळाडू Galaxy S25 FE चर्चेत आला आहे.
या फोनचं स्पेसिफिकेशन आधीच चर्चेत आलं होतं, मात्र किंमतीबाबत कंपनी गप्प होती. आता मात्र एका लोकप्रिय टिपस्टरने त्याची संभाव्य किंमत उघड केली आहे.
Galaxy S25 FE ची किंमत किती असेल? (Galaxy S25 FE Price)
टिपस्टर योगेश ब्यार यांच्या मते, भारतात Samsung Galaxy S25 FE चा बेस मॉडेल (8GB RAM + 128GB स्टोरेज) जवळपास ₹59,999 मध्ये लाँच होऊ शकतो. ही किंमत जवळपास मागील Galaxy S24 FE इतकीच असल्याने, हा स्मार्टफोन पुन्हा एकदा “Value for Money” ठरण्याची शक्यता आहे.
तरीही, Samsung ने अधिकृत किंमत आणि सेल डेट अजून जाहीर केलेली नाही.
Galaxy S25 FE ची 5 मोठी वैशिष्ट्यं (Galaxy S25 FE Features)
1.डिस्प्ले आणि डिझाइन
या फोनमध्ये 6.7-इंच FHD+ Dynamic AMOLED 2X डिस्प्ले आहे. यात 120Hz रिफ्रेश रेट आणि Vision Booster तंत्रज्ञानामुळे अगदी उन्हातही स्क्रीन खूपच स्पष्ट दिसते. सोबत अंडर-डिस्प्ले फिंगरप्रिंट सेंसर देण्यात आला आहे.
2.कॅमेरा सेटअप
या फोनमध्ये ट्रिपल रियर कॅमेरा सेटअप आहे.
- 50MP OIS मुख्य कॅमेरा
- 12MP अल्ट्रा-वाइड लेन्स (123° FOV)
- 8MP टेलीफोटो लेन्स (3x ऑप्टिकल झूम) सेल्फीसाठी 12MP फ्रंट कॅमेरा दिला आहे. म्हणजेच फोटो-व्हिडिओ लव्हर्ससाठी हा फोन भारी पर्याय ठरेल.
3.प्रोसेसर आणि स्टोरेज
Galaxy S25 FE ला शक्ती देतो Samsung चा Exynos 2400 चिपसेट. हा 4nm तंत्रज्ञानावर आधारित असून 3.2GHz पर्यंत स्पीड देतो. फोनमध्ये 8GB RAM आणि 128GB, 256GB व 512GB स्टोरेजचे पर्याय असतील.
4. बॅटरी आणि चार्जिंग
फोनमध्ये 4,900mAh बॅटरी आहे. ही बॅटरी 45W फास्ट चार्जिंगला सपोर्ट करते. कंपनीचा दावा आहे की फक्त 30 मिनिटांत 65% चार्ज होतो. तसेच वायरलेस चार्जिंग आणि Wireless PowerShare सुविधा देखील आहे.
तुम्हाला माहित आहे का समुद्रामधील तारावर चालू आहे इंटरनेट! पण तारांचा मालक आहे तरी कोण ?
5.सॉफ्टवेअर आणि कनेक्टिव्हिटी
हा स्मार्टफोन Android 16 आधारित One UI 8 वर चालतो. कनेक्टिव्हिटीसाठी Wi-Fi 6E आणि Bluetooth 5.4 आहे. फोनचा बॉडी Armor Aluminum फ्रेमवर तयार असून IP68 सर्टिफिकेशनसह धूळ आणि पाण्यापासून सुरक्षित आहे.
Galaxy S25 FE हा फ्लॅगशिप फील देणारा पण तुलनेत कमी किमतीत मिळणारा फोन ठरू शकतो. दमदार डिस्प्ले, कॅमेरा आणि बॅटरीमुळे तो S24 FE पेक्षा अधिक अपग्रेड मानला जात आहे. आता फक्त प्रश्न एवढाच – Samsung अधिकृत किंमत आणि सेल डेट कधी जाहीर करते?
सुंदर मोरे हे ऑटोमोबाईल्स, कार्स, बाईक्स तसेच तंत्रज्ञान क्षेत्रातील मोबाईल लॉन्चेस आणि गॅझेट्स यांवर माहितीपूर्ण लेखन करणारे लेखक आहेत. ते वाचकांना नवी मॉडेल्स, तंत्रज्ञानातील बदल व ट्रेंड्स यांची स्पष्ट आणि आकर्षक माहिती सोप्या भाषेत पोहोचवतात.
