तुमच्या Google Pay-PhonePe मधून आता 10 लाख पाठवता येणार? जाणून घ्या UPI चा नवा नियम.

UPI Payment Limit 2025: आजपासून, 15 सप्टेंबर 2025 पासून, तुमच्या आमच्या लाडक्या UPI मध्ये एक असा बदल झालाय, जो मोठ्या व्यवहारांचं सगळं गणितच बदलून टाकेल. आता छोट्या-मोठ्या खरेदीसाठी नाही, तर लाखोंच्या पेमेंटसाठी सुद्धा UPI वापरता येणार आहे! रोजच्या चहा-नाश्त्यापासून ते मोठ्या खरेदीपर्यंत UPI आपल्या आयुष्याचा अविभाज्य भाग बनलंय. पण कधीतरी मोठी रक्कम पाठवताना 'Limit Exceeded' चा मेसेज बघून तुमचा मूड ऑफ झालाय का? गाडीचं डाउन पेमेंट, इन्शुरन्सचा हप्ता किंवा शेअर मार्केटमध्ये मोठी गुंतवणूक करताना अनेकदा अडचण यायची. पण आता ही डोकेदुखी कायमची संपणार आहे. भारतीय राष्ट्रीय भुगतान निगम (NPCI) ने एक जबरदस्त 'गुड न्यूज' दिली असून, निवडक कॅटेगरीसाठी UPI व्यवहारांची मर्यादा थेट 10 लाख रुपयांपर्यंत वाढवली आहे. का झाला हा मोठा बदल? गेल्या काही वर्षांत UPI हे पेमेंट करण्याचं सर्वात आवडतं माध्यम बनलं आहे. लोकांचा डिजिटल पेमेंटवरचा विश्वास वाढलाय आणि आता मोठ्या रकमेच्या व्यवहारांसाठीही UPI चा वापर वाढावा, यासाठी NPCI ने हे महत्त्वाचं पाऊल उचललं आहे. या बदलामुळे आता हाय-व्हॅल्यू ट्रान्झॅक्शनसाठी नेट बँकिंग किंवा बँकेत जाण्याच्या त्रासातून सुटका मिळणार आहे. म्हणजेच, आता सगळं काही तुमच्या फोनच्या एका क्लिकवर! 'पॉवर-अप' UPI: कुठे आणि किती वाढली लिमिट? (UPI New Payment Limit) हा बदल विशेषतः पर्सन-टू-मर्चेंट (P2M) म्हणजेच व्यक्तीकडून व्यापाऱ्याला केल्या जाणाऱ्या पेमेंटसाठी आहे. चला तर मग बघूया, कोणत्या कॅटेगरीमध्ये तुम्हाला हा 'महा-लाभ' मिळणार आहे: कॅपिटल मार्केट (शेअर बाजार, म्युच्युअल फंड): आता एका दिवसात 10 लाख रुपयांपर्यंत गुंतवणूक करता येणार (प्रति व्यवहार मर्यादा 5 लाख). इन्शुरन्स प्रीमियम: लाईफ किंवा हेल्थ इन्शुरन्सचा मोठा हप्ता भरणं झालं सोपं! डेली लिमिट 10 लाख रुपये. ट्रॅव्हल पेमेंट्स: मोठ्या फॅमिली टूरचं किंवा फॉरेन ट्रिपचं पेमेंट आता एकाच वेळी करता येणार. डेली लिमिट 10 लाख रुपये. क्रेडिट कार्ड बिल पेमेंट: क्रेडिट कार्डचं मोठं बिल भरण्यासाठी आता टेंशन नाही. डेली लिमिट 6 लाख रुपये. दागिने (Jewellery) खरेदी: सोनं किंवा हिऱ्यांचे दागिने खरेदी करण्यासाठी UPI वापरता येणार. डेली लिमिट 6 लाख रुपये. याशिवाय, गव्हर्नमेंट ई-मार्केटप्लेस (GeM), फॉरेक्स रिटेल आणि डिजिटल अकाउंट ओपनिंग यांसारख्या कॅटेगरीमध्येही लिमिट 5 लाखांपर्यंत वाढवण्यात आली आहे. खुशखबर! तुमचं महिन्याचं बजेट आता कमी होणार; लाईफबॉय, डव्ह, हॉर्लिक्ससह अनेक वस्तू स्वस्त, पाहा नवी किंमत! मित्रांना पैसे पाठवण्याचं काय? (P2P UPI Limits in 2025?) इथे एक गोष्ट लक्षात घेणं महत्त्वाचं आहे. हा बदल मोठ्या व्यापारी व्यवहारांसाठी आहे. तुम्ही तुमच्या मित्रांना, कुटुंबाला किंवा इतर कोणत्याही व्यक्तीला (Person-to-Person) पैसे पाठवत असाल, तर त्यासाठीची मर्यादा पूर्वीप्रमाणेच दररोज 1 लाख रुपये इतकीच राहील. त्यात कोणताही बदल करण्यात आलेला नाही. या नव्या बदलामुळे आता मोठे व्यवहार करणं प्रचंड सोपं आणि वेगवान झालं आहे. एकाच पेमेंटसाठी अनेकदा व्यवहार करण्याची किंवा पर्यायी बँकिंग चॅनल वापरण्याची गरज आता भासणार नाही. थोडक्यात, तुमचं UPI आता खरंच 'स्मार्ट' आणि 'पॉवरफुल' झालं आहे!